O sistema de formación e acreditación profesional como motor curricular, para a reciclaxe profesional e cualificación de competencias.

O Sistema de formación e cualificación profesional en todas as súas modalidades é unha das principais ferramentas na que se debe apoiar a labor de un orientador á hora de elaborar un itinerario, xa que conseguirá darlle unha maior direccionalidade e creando uns fortes alicerces baseados en competencias e cualificacións, co que se acadará unha notable mellora da empregabilidade.

Podemos diferenciar a formación nestes 4 puntos:

• A Formación Profesional regulada que depende da administración educativa. Formación Profesional LOMCE
• A Formación Profesional non regulada que depende da administración laboral e é conducente á obtención dos Certificados de Profesionalidade.
• A Formación non regulada xeral ou “a demanda” que non conduce a ter ningunha acreditación de competencias oficial. Dentro desta poderíamos ter os cursiños de informática, formación en PRL, de manexo de equipos de traballo, formación en hixiene alimentaría...
• A acreditación de competencias pola vía da experiencia profesional.

Polo tanto temos ante nos un importante axente á hora da mellora da empregabilidade, enfocándose esta mellora en:

• Ser punto de partida para o comezo dunha carreira profesional.
• Facer de complemento curricular a outras competencias ou formación.
• Ser punto de partida para a reciclaxe profesional
• Recoñecer competencias ou capacidades adquiridas durante a vida laboral.

Para entender con máis claridade os puntos anteriores, a continuación, expoñemos un exemplo significativo de cada un deles:

Caso A

CC0

Mozo de 17 anos. Reside en Vigo no domicilio familiar cos seus pais, un estibador e unha mestra no ensino público. Acaba de rematar a ESO e non ten claro a que se adicar.

Ten todas as opcións por diante, o que precisa e de facer unha autoavaliación para descubrir os seus intereses. 

Proponse a realización dos seguintes Tests,xa que lle poden axudar.

Test de intereses Profesionales

Test para a avaliación de Competencias

Test elixe a túa profesión

Caso B

CC0

Muller de 22 anos, nai de 1 fillo de 1 ano - Residente na cormarca de Barbanza. Non logra rematar a ESO e realiza a FP Básica de Servizos Comerciais, tras realizar as prácticas de dependenta nun comercio de roupa no que tiña posibilidades de quedar, decide rexeitar por un traballo estacional relacionados ca hostalaria.

Precisa dunha estabilidade laboral e uns ingresos estables

Na zona cantidade de empresas de conservas e conxelados, posibilidade de emprego en fabrica de produtos alimentarios (conserveira).

Vese necesario complementar o seu curriculo con formación de demanda (carretillas elevadoras e manipulación de alimentos, hixiene alimentaria),

Adicionalmente traballar na motivación para acadar o graduado en ESO ben a través das probas libres ben mediante a formación para adultos.

Caso C

CC BY-SA 4.0

Muller de 55 anos solteira sen cargas. Residente no sur da provincia de Ourense, formación de FP administrativo e experiencia de 20 anos como auxiliar administrativa de laboral e contabilidade nunha xestoría. Tivo que deixar este traballo hai 10 anos para coidar de familiar con enfermidade incapacitante (pai), falecido hai 3 anos. Agora ten dificultades para acadar traballo relacionado ca súa formación e experiencia laboral:

• maior de 50 anos de idade
• cambios normativos e tecnolóxicos.

Poboación da súa contorna moi envellecida, grande potencialidade de emprego en dependencia con porcentaxes dun 45% de poboación xubilada e falta de persoas con formación axeitada na zona para a súa atención..

Ten experiencia no coidado dos familiares, desenvolveu habilidades (soft skills) como a Paciencia e Comprensión, Confianza, Empatía, Asertividade, Escoita activa,

Para aproveitar a situación poboacional na comarca, recoméndase realizar o certificado de profesionalidade de: Atención Sociosanitaria a persoas dependentes en institucións ou en domicilios.
para abrir una nova vía de emprego.

Reciclaxe na área de novas tecnoloxías para ampliar as súas opcións de emprego nun mundo cada vez máis dixital.

Caso D

CC0

Home de 45 anos, residente na comarca de Santiago, con parella con traballo indefinido, teñen 1 fillo. Traballou durante 29 anos por conta allea nunha empresa de instalacións eléctricas. A empresa acábase de liquidar por xubilación do empresario. Non ten formación acreditada dos seus coñecementos.

As ofertas de traballo para o seu posto, piden ter titulación en formación profesional ou certificados de profesionalidade e non pode facerse autónomo porque a normativa establece a obligación legal de posuir unha habilitación profesional para certificar as instalacións realizadas.

Para obter esa habilitación profesional precisa ter unha titulación.

A opción proposta é someterse a recoñecemento das competencia en base a súa experiencia profesional para así acadar o certificado de profesionalidade que lle permita a otención da hbilitación profesional.

Ver a posibilidade de pedir convalidación de modulos formativos na administración educativa e tratar de rematar o Ciclo Medio correspondente.

Espero que con esta mostra de casos se vexan as opcións que abre a formación na mellora da empregabilidade.